抄文一則

睇到呢段報導時，陳伯都想過要寫幾句，奈何當時正係瞳瞳仁仔考試期間，兵荒馬亂，邊有閒情回應？

今天在小Y的網誌讀到此文，以他身為行內人作評議，誰曰不宜！於是照抄一遍，奇文共賞，但未得小Y同意，只好效甄士隱的做法，把真事隱去，若有文責，由陳伯承擔好了。

閒話表過，書歸正傳：

家 長 催 谷 子 女 做 神 童 　 月 花 萬 元 學 藝 13 種
任 職 傳 媒 機 構 主 管 的 謝 太 ， 得 知 獨 女 獲 派 首 志 願 學 校 瑪 利 諾 修 院 學 校 （ 小 學 部 ） ， 感 到 非 常 開 心 。 她 說 為 了 培 育 女 兒 ， 每 月 花 一 萬 多 元 供 她 學 習 13 樣 課 外 活 動 ， 包 括 學 跳 舞 、 唱 歌 、 溜 冰 、 話 劇 、 彈 琴 、 珠 心 算 、 普 通 話 等 ， 其 女 兒 由 周 一 至 周 六 均 每 日 花 約 兩 小 時 參 加 興 趣 班 ， 周 日 才 有 假 期 ； 其 女 兒 在 一 歲 多 時 已 開 始 上 play group ， 其 後 再 入 讀 九 龍 塘 區 名 牌 幼 稚 園 。 謝 太 為 方 便 女 兒 上 學 ， 不 惜 勁 蝕 200 萬 出 售 深 井 的 住 宅， 搬 往 九 龍 塘 區 。 女 兒 才 升 小 一 ， 但 謝 太 已 定 下 目 標 ： 中 三 往 美 國 升 學 ， 入 讀 全 美 最 好 中 學 再 升 大 學 ， 將 來 出 任 投 資 銀 行 的 投 資 顧 問 ， 「 我 希 望 佢 將 來 條 路 唔 好 咁 辛 苦 。 」謝 太 每 月 購 買 基 金 和 藍 籌 股 票 ， 各 項 支 出 每 月 合 共 四 萬 元 ， 預 計 要 花 700 萬 元 才 足 以 讓 女 兒 成 材 。


以下，是小Y（現職投資銀行，前途無量的乖女）的意見。（紅字係陳伯眉批）

呢個小朋友星期六冇假放架？果然係訓練佢成為投行既材料。（投行係返7-11的，謝太，你女兒將來條路可能都幾辛苦。）

中三去美國讀書，返黎中文字都唔識多隻，你搵鬼投行請你呀。（在美國，識英文的大學生一街都係，投行請華人學生就係放眼於中國市場，否則何不請洋人，謝太捉錯用神矣。）

我都係覺得我既童年係幾開心，我都有學一萬樣野，但係學唔成冇所謂，唔想去就唔駛去，好自在。興趣班丫嘛，冇興趣學乜鬼呢。

仲有呀，話明興趣丫嘛，咁即係冇乜用啦，（對！對！）除左兩個教琴既朋友之外，都冇乜邊幾個人而家仲彈琴呀唱歌呀之類，唱K都仲有下。真正有用既係普通話同excel，有excel就唔駛珠心算啦。話劇可能都有用，你好戲既可以0係老細面前四萬咁口，後面就講哂粗口囉。（難怪依家咁多學校攪話劇）

條路辛唔辛苦，我唔知，反而我覺得小朋友做太多野係好辛苦囉。阿謝太其實你有冇問過個女想唔想做投行架？

唉，其實可能到有一日我生左小朋友都係會想望子成龍既。不過，我可能會送返佢去讀屋村學校都未定，知道窮字點寫，個人會硬淨D。